今天不用上班，因參與了機構的培訓堂(有關精神健康)。

主講者是位精神科醫生，他的樣子絕對不能透露出真實的年齡，外表看來只有三十多歲，後來跟他聊天得知，他已四十多歲了。我稱讚他保養得不錯，他很有禮的說了聲謝謝。

原本以為醫生多半是很嚴肅的，上堂氣氛便是更沉悶。哈哈...今天林醫生終於一洗醫生一向嚴肅的形象，他講書的手法不但生動且真的超級搞笑啊! 大家可能以為我誇大了，但林醫生的確能引起全班社工發笑。引人發笑的不是他會說爛笑話，而是他幽默演的譯方式及很會訴出大眾的內心，產生了大家的共鳴。

一天8小時的課上得十分輕鬆愉快，他不但是個專業的醫生，更是一個會令人快樂的高手。林醫生教會了大家面對事物可以有不同的看法，即使是悲痛的事亦要從中尋找樂趣，尋找積極出來。(可能這就是他保持年輕的秘訣)

不同的心態就會產生不同的行為(CBT)，嘗試用樂觀的心看悲痛的事，可能也看出希望，尋覓出另外一個天地，甚至會幫助抑鬱病人走出黑暗，看到光明。我們也要來學習啊，每天也要提醒自己要提昇戰鬥力(這句是林醫生的口頭襌)、多笑，多利用幽默，多讓自己輕鬆，讓身邊的人感到愉快!!

今年生日有唔少朋友同我慶祝，好開心!唔知點解，好似比以往幾年開心!可能係心態上有所改變。

依家開始珍惜友誼既可貴，有朋友CARE自己既生日，專登約出黎請食飯慶祝，仲收到8份禮物

添，哈哈! 有D又會SEND SMS 同打電話黎，真係好有我心!! 想返起自己有時連朋友既生日都唔鬼

記得真係有D慚愧。

點都好，THANKS SO MUCH FOR ALL MY LOVELY FRIENDS!!  I LOVE U BOTH !!

沙巴之旅

第一天

我地坐3點機，我同VANESSA  check in 左之後去左機場dutyfree商店行街街，行得興高彩烈得制，差d  miss左班機，哈哈! 抵達馬來西亞既沙巴機場，已經係6點鐘喇，無咩時間玩，食完晚飯就返酒店休息。

酒店係3星級: PALACE HOTEL (房間都幾好，但野食就差D)

第二天

我地無JOIN 激流同睇紅樹林團，自己走左去自由行。去左d商場睇下野，食下最出名既海南雞飯(不是傳說中咁好吃)，最慘係食食下，突然肚痛，要坐的士返酒店休息，哈哈都幾鬼好笑。休息後，再出街食過，食左加央多士(都唔錯)、仲買左D好可愛既DONUT甜甜圈食HK$5一件，好抵又好味。

行到夜晚就去左，好出名既海王城食海鮮，叫左兩隻中SIZE既大蝦，用奶油煮，的確好好味。2人食左HK$350，係當地來說係好貴架喇! 因為，當地導遊話本土人既收入係好低，約千多元港幣月薪。

第三天

導遊帶我地坐船到馬干唔知咩島度玩，俾左HK$500玩沙巴獨有既水底電單車同HK$200降落傘，雖然貴左少少，不過都好值得，因為好好玩好難忘。

水底電單車超正，每人有一樽麵包，同一個潛水人員跟住，入度水、一開麵包已經有超多魚黎搶食，感覺好得意，仲可以摸摸佢地添。潛水員仲攞左d海葵俾我地睇添。

降落傘都好正，升到2、3百米高空又再放落水、之後又再升返上天，哈哈、好似晒咸魚。

今晚轉左住5星酒店，四周環境好靚、間房都好四正。-SUTERA HARBOUR-

第四天

我地join左去美人魚島，約hk$700，超正超值、玩足一天啊!不過就坐左成3個鐘車船先去到。好搞笑，一落船，就有人係執邊夾道歡迎，連細路仔都有，簡直當我地係貴賓，不過的而且確，我地係佢地今日既貴賓，因為無其他人，只有我地十幾人，成個島俾我地包左，哈哈!!

出海去玩浮潛，初初有D難掌握，後來試試下都ok。真係好靚，海底既世界好壯觀。仲有海星同海蔘啊，質感好得意! 唔識游水都玩得，好好FEEL。

最搞笑係，VANESSA話要帶埋D加央多士黎餵魚，哈哈!

晚上，我VANESSA 去左一間Café食野，d野好平，食左3樣野都係hk$110，哈哈，好抵，環境又唔錯。我仲係街邊買左個榴槤仔食添，hk$10，好甘香。

第五天

回程喇!!好唔捨得，好想玩多日啊!!最後去左手信店買左水果冰條、同d朱古力。

總括來說，沙巴係一個RELAX既好地方，陽光與海灘 ，令人心情十分舒暢!當地既人生活好簡樸，無城市既繁忙同壓力、好relax!!